23 сакавіка 2018 года ў нашай школе ўрачыста адсвяткавалі 100 гадавіну абвяшчэння Беларускай Народнай Рэспублікі. Сабраныя ў актавым зале вучні і настаўнікі на пачатку выслухалі гімн «Мы выйдзем шчыльнымі радамі». Затым усе паглядзелі праграму, якая знаёміла з падзеямі 1918 года.
Фільмавы матэрыял пераплятаўся з патрыятычнымі вершамі, якія дэкламавалі вучні класа ІІ «ц» ліцэя ды песнямі ў выкананні Юліі Пракапюк і калектыву «Знічка». Была зачытана таксама ІІІ Устаўная Грамата Рады Беларускай Народнай Рэспублікі. Потым наступіла частка больш забаўляльная. Ліцэіст Артур Маркоўскі заспяваў вядомы хіт «Тры чарапахі», а Тамаш Дружба ды Яцэк Дружба зайгралі на акардэонах беларускія народныя песні. На канец слова ўзяў дырэктар школы спадар Ігар Лукашук, які яшчэ раз падкрэсліў велічэзнае значэнне Акту 25 Сакавіка.
