У Варшаве, на 92-ім годзе жыцця памёр паэт, літаратуразнаўца, грамадскі дзеяч, шматгадовы загадчык кафедры беларускай філалогіі Варшаўскага ўніверсітэта – прафесар Аляксандр Баршчэўскі (вядомы пад літаратурным псеўданімам як Алесь Барскі). Не адзін раз пабываў Ён у нашым ліцэі на аўтарскіх сусутрэчах, але хіба найбольш запомніўся нашым вучням як старшыня Арганізацыйнага камітэта Алімпіяды па беларускай мове. Большасць настаўнікаў беларускай мовы на Беласточчыне з’яўляецца Яго выпускнікамі. Быў выдатным вучоным, знакамітым педагогам, таленавітым паэтам і добразычлівым, цудоўным чалавекам. Зямля Вам пухам, Спадар Прафесар.