У пятніцу 22 снежня 2017 г. ліцэісты класа ІІ „ц” ды члены журналісцкага кружка нашай школы адправіліся ў Беларускі музей на аўтарскую сустрэчу з Рафалам Андрасюком, які з’яўляецца працаўніком Беластоцкага тэлебачання, a таксама беларускамоўнай стацыі „Белсат”. Спадар Андрасюк распавёў ды паказаў фільмавы матэрыял пра тое, як выглядае тэлебачанне „ад кухні”.
Нягледзячы на тое, што прафесія журналіста бывае рызыкоўная, а нават і небяспечная, яна даволі цікавая і мае свае шматлікія козыры. Такімі, мiж іншымі, з’яўляюцца знаёмствы з цікавымі людзьмі ды наведванне цікавых месцаў.
