Нарадзіўся 19 чэрвеня 1924 году ў вёсцы Бычкі Ушацкага раёну Віцебскай вобласьці, памёр 22 чэрвеня 2003 г. у Мінску. Беларускі пісьменнік, які лічыцца адным з найвыдатнейшых пісьменнікаў сучаснай беларускай літаратуры, хаця многія яго творы адначасова друкаваліся і на рускай мове. Быкаў быў кандыдатам на Нобелеўскую прэмію па літаратуры.

Быкаў актыўна займаўся палітыкай, часам рэзка выступаючы супраць афіцыйнай урадавай лініі. Напрыклад, у 1968 годзе ён пратэставаў супраць акупацыі Чэхаславакіі, а ў 1980 годзе – супраць вайны ў Афганістане. Пасьля падзеньня камунізму ўдзельнічаў у палітычным жыцьці незалежнай Беларусі, заснаваўшы, між іншым, Беларускі Хэльсынскі камітэт.
Пасьля прыходу да ўлады Аляксандра Лукашэнкі ён стаў пэрсонай нон грата ў Беларусі праз сваю працу, таму ў 1997 годзе зьехаў у эміграцыю — спачатку ў Фінляндыю, а потым у Нямеччыну. Вярнуўся ў Беларусь незадоўга да смерці ў 2003 годзе.
Асноўная тэма яго твораў — перыяд нямецка-савецкай вайны
(на тэрыторыі былога СССР — Вялікай Айчыннай), якую ён апісваў рэалістычным метадам, часам блізкім нават да натуралізму. Героі яго раманаў, як правіла, салдаты ці партызаны, пададзены без пафасу і манументальнасці, уласцівых творам, напісаным адразу пасля заканчэння вайны.
У нашай бібліятэцы вы можаце прачытаць наступныя творы:
1. Поўны збору твораў
2. Пакахай мяне,салдацік
3. Gdy witają się dusze: poezja i proza
4. Sotnikow
5. Ściana
6. Доўная дарога дадому
7. Знак бяды
8. Аповесці і апавяданні
9. Жураўліны крык